චීන ජනාධිපති ෂී ජින්පිං මහතා ඊයේ(26) බෙයිජිං හි මහජන මහා ශාලාවේ දී ඇමරිකානු රාජ්‍ය ලේකම් ඇන්තනි බ්ලින්කන් මහතා හමුවී ඇත.
මෙම වසරට චීන-ඇමරිකා රාජ්‍යතාන්ත්‍රික සම්බන්ධතාවය පිහිටුවීමේ 45වැනි සංවත්සරය යෙදී තිබේ. දෙරට හවුල්කරුවන් මිස, විරුද්ධවාදීන් නොවිය යුතු අතර අන්‍යෝන්‍ය වශයෙන් හානි සිදු නොකරමින් සහයෝගයෙන් කටයුතු කළ යුතු බව එහිදී ෂී ජින්පිං මහතා ප්‍රකාශ කර තිබෙනවා.
දැනට ලෝකය දැවැන්ත විපර්යාසයකට මුහුණ දෙමින් සිටින අතර ජාත්‍යන්තර තත්ත්වය ද ඉතා සංකීර්ණ වේ. විවෘත සහ සමෘද්ධිමත් ප්‍රවේශයකින් ඇමරිකාව ඉදිරියට යනු දැකීම චීනයේ අපේක්ෂාව වන අතර, එලෙසම ඇමරිකාව ද චීනයේ සංවර්ධනය කෙරෙහි ධනාත්මක ආකල්පයක් දරනු ඇතැයි චීනය බලාපොරොත්තු වන බව චීන ජනාධිපතිවරයා සඳහන් කර තිබෙනවා.
වත්මන් ලෝකයේ පවතින සංකීර්ණ අභියෝගයන් රැසකට මුහුණ දීමේදී ඇමරිකාව හා චීනය එක්ව සහයෝගිතා පැවැත්වීමේ අවශ්‍යතාව පිළිබඳ ඇමරිකානු රාජ්‍ය ලේකම් ඇන්තනි බ්ලින්කන් මහතා එහිදී කියාසිටියා. ‘නව සීතල යුද්ධයක්’ඇරඹීමට ඇමරිකාව අපේක්ෂා නොකරයි. එමෙන්ම චීනයේ දේශපාලන ක්‍රමය වෙනස් කිරීමටත් චීනයේ සංවර්ධනය මර්දනය කිරීමටත් ඇමරිකාව උත්සාහ නොකරන බව ඔහු පවසා තිබෙනවා. ඇමරිකා-චීන සම්බන්ධතාවයේ විධිමත් හා ස්ථාවර වර්ධනය ඉදිරියට ගෙන යාම සඳහා අනවබෝධයන් වළකමින් වගකීමෙන් යුතුව මතභේද පාලනය කර ගනු ඇතැයි බලාපොරොත්තු වන බව ඇමරිකානු රාජ්‍ය ලේකම්වරයා එහිදී ප්‍රකාශ කර තිබෙනවා
More Stories
ගාසා තීරයේ ව්‍යසනය සම්බන්ධයෙන් ඊශ්‍රායලය වගකිව යුතු බවට ඊජිප්තුවෙන් ප්‍රකාශයක්
කෲස් නෞකාවලින් පැමිණෙන විදේශිකයන්ට චීනයෙන් නිදහස් වීසා
රුසියානු-චීන සහයෝගීතාවය ජාත්‍යන්තර සමබරතාවයට වැදගත් භූමිකාවක්