චීනයේ Tianzhou-7 භාණ්ඩ ප්‍රවාහන අභ්‍යවකාශ යානය දියත් කිරීමේ මෙහෙයුම සම්පූර්ණයෙන්ම සාර්ථක වෙයි.
චීනයේ මිනිසුන් සහිත අභ්‍යවකාශ ඉංජිනේරු කාර්යාලයට අනුව, බෙයිජිං වේලාවෙන් ඊයේ (17) 22:27 ට, Tianzhou-7 භාණ්ඩ ප්‍රවාහන අභ්‍යවකාශ යානය රැගත් Long March 7 Yao-8 වාහක රොකට්ටුව චීනයේ Wenchang අභ්‍යවකාශ යානා නිකුත් කිරීමේ මධ්‍යස්ථානයේ සිට සාර්ථකව උඩු ගුවනට යැවිණ. විනාඩි10 කට පමණ පසු, අභ්‍යවකාශ යානය රොකට්ටුවෙන් සාර්ථකව වෙන්වී කක්ෂයට ඇතුළු විය.
Tianzhou-7 භාණ්ඩ ප්‍රවාහන අභ්‍යවකාශ යානයෙන් ගගනගාමීන්ට අවශ්‍ය විවිධ ද්‍රව්‍ය, ඉන්ධන සහ පර්යේෂණාත්මක උපකරණ වැනි භාණ්ඩ රැගෙන ගොස් ඇත. එමෙන්ම Shenzhou-17 ගගනගාමීන් සහ කාර්ය මණ්ඩලය වෙත වසන්ත උත්සව “අලුත් අවුරුදු භාණ්ඩ” යවා ඇත.
කක්ෂයට ඇතුළු වීමෙන් පසු, Tianzhou-7 භාණ්ඩ ප්‍රවාහන අභ්‍යවකාශ යානය බෙයිජිං වේලාවෙන් අද (18) අළුයම 1:46 ට චීන අභ්‍යවකාශ මධ්‍යස්ථානයේ Tianhe මූලික මොඩියුලයට සම්බන්ධ විය.
More Stories
චීන රජයෙන් ලබා දෙන හදිසි භූමිකම්පා සහනාධාරවල එකොළොස්වන තොගය මියන්මාරයට භාර දෙයි
ඇමරිකාවේ සෞඛ්‍ය ආයතනවල කප්පාදු කිරීම්වලට එරෙහිව එරට ජනතාවගේ විරෝධය
චීනයේ කම්කරු දින නිවාඩු සමයේ දුම්රිය මගී වාර සංඛ්‍යාවේ කැපී පෙනෙන වර්ධනයක්