ඇමරිකාව චීනයේ තායිවාන ප්‍රදේශය සමඟ සිදුකරන ඕනෑම ආකාරයේ යුද සම්බන්ධතාවකට දැඩි ලෙස විරුද්ධ බව චීනය පවසයි.
ඇමරිකානු ඩොලර් කෝටි 34.5 ක හමුදා ආධාර තායිවාන ප්‍රදේශයට ලබා දීමට ඇමරිකාව තීරණය කර ඇති බව වාර්තා වේ. ඒ පිළිබඳව චීන විදේශ අමාත්‍යංශය දැඩි විරෝධය පළ කරමින් පැවසුවේ ඇමරිකාව තායිවාන ප්‍රදේශයට ආයුධ ලබා දීම එකම චීනය මූලධර්මය සහ දෙරටේ ඒකාබද්ධ ප්‍රකාශන තුන උල්ලංඝනය කිරීමක් බවයි. ඒ පිළිබඳව චීනය ඇමරිකාවට දැඩි විරෝධය ප්‍රකාශ කර ඇති බව ද චීන විදේශ අමාත්‍යංශය පැවසීය.
තායිවාන ප්‍රදේශය සමග සියලු ආකාරයේ යුද සම්බන්ධතාව ගොඩනැගීම, තායිවාන් සමුද්‍ර සන්ධි තත්ත්වය උග්‍ර කරවීමට උත්සාහ කිරීම සහ ‘තායිවාන් බෙදුම්වාදීන්’ට සහාය වීම වහාම නතර කරන ලෙසට චීනය ඇමරිකාවෙන් ඉල්ලා සිටින බව චීන විදේශ අමාත්‍යංශය තවදුරටත් අවධාරණය කළේය.
More Stories
ගෝලීය සාධාරණත්වය ආරක්ෂා කිරීමේ ප්‍රධාන බලවේගය වීමට එක්වන්නැයි BRICS රටවලට ආරාධනා– චීන විදේශ අමාත්‍ය
නව කොරොනා වසංගතයේ මූලාරම්භය පිළිබඳව ඇමරිකාව ලෝකයට නිසි පැහැදිලි කිරීමක් කළ යුතුයි–චීනය
චීනයේ 15 වැනි පස් අවුරුදු සැලසුම පිළිබඳ චීන ජනපතිගෙන් උපදෙස්