2025 වසරේ චීන ජාත්‍යන්තර සේවා වෙළඳ ප්‍රදර්ශනය එළඹෙන සැප්තැම්බර් 10වැනිදා සිට 14වැනිදා දක්වා බෙයිජිං නගරයේදී පැවැත්වීමට නියමිතය. ඊයේ (15) පැවති අදාළ මාධ්‍ය හමුවකදී මේ බව සඳහන් විය.
මෙවර ප්‍රදර්ශනය සේවා වෙළඳාමේ උණුසුම් ප්‍රවණතා කෙරෙහි අවධානය යොමු කරයි. එය ගෝලීය සේවා වෙළඳ සමුළුව, තේමා ප්‍රදර්ශනය සහ විශේෂ ප්‍රදර්ශනය ඇතුළු ප්‍රධාන අංශ හයකින් සමන්විත වේ.
මෙම ප්‍රදර්ශනය සඳහා නෝර්වේ රාජ්‍යය, ජපානය සහ ලෝක බුද්ධිමය දේපළ සංවිධානය ඇතුළු රටවල් සහ ජාත්‍යන්තර සංවිධාන 30කට අධික සංඛ්‍යාවක් සහභාගී වනු ඇත. ගෞරවනීය ආරාධිත රට ලෙස, ඕස්ට්‍රේලියාව මෙවර ප්‍රදර්ශනය සඳහා සහභාගී වන විශාලතම සේවා වෙළඳ නියෝජිත කණ්ඩායම පිහිටුවීමට අපේක්ෂා කෙරේ.
2012දී ප්‍රථම වරට පැවැත්වීමෙන් පසු, චීන ජාත්‍යන්තර සේවා වෙළඳ ප්‍රදර්ශනය ලොව විශාලතම විස්තීර්ණ සේවා වෙළඳ ප්‍රදර්ශනය දක්වා වර්ධනය වී තිබේ. එය රටවල් හා කලාප 198 කින් ප්‍රදර්ශකයින් මිලියන 1.19 කට ආසන්න සංඛ්‍යාවක් ආකර්ෂණය කර ගෙන ඇති අතර, චීනය ලෝකයට විවෘත කිරීම සඳහා වැදගත් වේදිකාවක් බවට පත්ව ඇත.
More Stories
“ද්වි-රාජ්‍ය විසඳුම ” ක්‍රියාත්මක කරන්නැයි චීනයෙන් ඉල්ලීමක්
“232 තීරුබදු පියවර” කඩිනමින් නතර කරන ලෙස චීනය ඇමරිකාවෙන් ඉල්ලයි
‘එක් තීරයක් එක් මාවතක්’ සංවර්ධනයෙන් ගෝලීය දකුණේ ශක්‍යතා වැඩිදියුණු කිරීමේ වැදගත්කම අවධාරණය කෙරේ