බ්‍රසීලයේ රියෝ ද ජනයිරෝ නුවර පැවැත්වෙන 17 වන බ්‍රික්ස් නායකයින්ගේ රැස්වීමට එක් වීමට චීන අගමැති Li Qiang මහතා සූදානම් වෙයි. ආරාධනාවට අනුව, ඔහු එළඹෙන 5 වැනිදා සිට 8 වැනිදා දක්වා එම රැස්වීමට සහභාගි වනු ඇත.
මේ අතර, ඊජිප්තු අගමැති Mostafa Madbouly මහතාගේ ආරාධනාවක් පරිදි, Li Qiang මහතා එළඹෙන 9 වැනිදා සිට 10 වැනිදා දක්වා ඊජිප්තුවේ නිල සංචාරයක නිරතවීමට ද නියමිතය.
මෙම නායකයින්ගේ රැස්වීම ඉන්දුනීසියාව සහ හවුල්කාරී නව සාමාජික රටවල් 10ක් බ්‍රික්ස් සංවිධානයට එක්වීමෙන් පසු පැවැත්වෙන පළමු රැස්වීම බව චීන විදේශ අමාත්‍යාංශ ප්‍රකාශිකා Mao Ning මහත්මිය අද(02) පැවති නිත්‍ය මාධ්‍ය හමුවේදී පැවසුවා ය.
බ්‍රික්ස් සංවිධානයේ උපායමාර්ගික හවුල්කාරිත්වය ශක්තිමත් කිරීම, බහුපාර්ශ්විකත්වය ආරක්ෂා කිරීම, පොදු සංවර්ධනය ප්‍රවර්ධනය කිරීම සහ ගෝලීය පාලනය වැඩිදියුණු කිරීම සඳහා බ්‍රික්ස් දායකත්වය ලබා දීම සඳහා සියලු පාර්ශ්වයන් සමඟ කටයුතු කිරීමට චීනය කැමැත්තෙන් සිටී. එමෙන් ම, “ශ්‍රේෂ්ඨ බ්‍රික්ස් සහයෝගීතාවයේ” උසස් සංවර්ධනය ප්‍රවර්ධනය කිරීමට චීනය අපේක්ෂා කරන බව ද ඇය වැඩිදුරටත් පැවසුවාය.
More Stories
2025 ගෝලීය ඩිජිටල් ආර්ථික සමුළුව බෙයිජිංහිදී ඇරඹේ.
ජපන් ආක්‍රමණයට එරෙහි චීන ජනතා යුද ජයග්‍රහණයේ 80 වන සංවත්සර වෙනුවෙන් විශේෂ කලා ප්‍රසංගයක් සැප්තැම්බර් 03 බෙයිජිං හිදී
විවිධ පාර්ශ්වයන් ඉරාන න්‍යෂ්ටික ගැටළුව දේශපාලනිකව විසඳීම සඳහා යොමු කරවීම අපේක්ෂාව බව චීනය කියයි