රට පුරා සංචරණ සීමා පනවා ඇතත් නියමිත පරිදි මෙම 08 වැනිදා පාර්ලිමේන්තු රැස්වීම පවත්වන බව කතානායක මහින්ද යාපා අබේවර්ධන ඊයේ 3 වැනිදා ‘අරුණට’ පැවැසුවේය.
සංචරණ සීම මැද වුවත් මන්ත්‍රීවරුන්ට පාර්ලිමේන්තු රැස්වීමට සහභාගී වීමේ බාධාවක් නැතැයිද කතානායකවරයා කීවේය.
පසුගිය රැස්වීමේදී පාර්ලිමේන්තුව මෙම 08 වැනිදා දක්වා කල්තැබූ බැවින් එදින අනිවාර්යයෙන්ම සභාව රැස්විය යුතුය. ඊට අමතරව එම සතියේ 09;10 සහ 11 යන දිනවලද පාර්ලිමේන්තුව රැස්වනවාද නැද්ද යන්න පිළිබඳව 07 වැනිදා පවත්වන පක්ෂ නායක රැස්වීමේදී තීරණය කරන බවද කතානායකවරයා පැවැසුවේය.
මේ අතර සංචරණ සීමා යටතේ පාර්ලිමේන්තු මාධ්‍යවේදීන්ට කිසිදු බාධාවකින් තොරව රැස්වීම් ආවරණය සඳහා මෙම 08 වැනිදා සිට 11 වැනිදා දක්වා පාර්ලිමේන්තුවට පැමිණීමට සහ යළි ගමන් කිරීම සඳහා අවශ්‍ය පහසුකම් සලස්වන ලෙස වේත්‍රධාරී නරේන්ද්‍ර ප්‍රනාන්දු පොලිස්පතිවරයා දැනුවත්කර ඇත.
More Stories
මේ වසරේ පළමු කාර්තු‍වේ දී සමස්ත අපනයන ආදායම ඉහළට
ශ්‍රී ලංකාවේ ආර්ථිකය සම්බන්ධයෙන් ලෝක බැංකුවේ අවධානය
දරුවන් පාසලට ඇතුළත් කිරීමේදී අසාධාරණයක් වුණොත් අමාත්‍යංශයට කියන්න – අගමැති