බිනර පොහොය දිනය අදයි

භික්ෂූණි ශාසනය ආරම්භවීම ඇතුළු ශාසනික ඉතිහාසයේ වැදගත් සිදුවීම් රැසකට මුල් වූ බිනර පුන් පොහෝ දිනය අදට යෙදී තිබෙනවා.

වස් සමයේ අතරමැදි පොහොය ලෙසද මෙය සැලකෙන අතර එමෙන්ම කාන්තාවන්ට පැවිද්ද ලබාදෙමින් මහා ප්‍රජාපතී ගෝතමිය ඇතුළු කාන්තාවන් 500ක් සසුනට එක්වූයේද බිනර පෝය දිනක වීම විශේෂත්වයක්.

අෂ්ඨ ගරු ධර්ම බුදුන්වහන්සේගෙන් විමසා ආනන්ද හිමියන් විසින් එය මහා ප්‍රජාපතිගෝතමී දේවියට පහදා දීමෙන් පසුව ගරුධර්ම ආරක්ෂා කරන බවට ප්‍රතිඥා ලබාදුන්නේද අදවන් දිනකදී. පවතින කොවිඩ් වසංගත තත්ත්වය මත පනවා ඇති නිරෝධායන ඇඳිරිනීතිය හේතුවෙන් මෙවර විහාරස්ථානවලට ජනතාවට යාමට අවස්ථාවක් ලැබෙන්නේ නැහැ.