බ්‍රිතාන්‍ය පාර්ලිමේන්තුව විසුරුවා හැරේ

බ්‍රිතාන්‍ය පාර්ලිමේන්තුව විසුරුවා හැ‍රෙන නිල නිවේදනය නිකුත් කෙරේ

එම නිල නිවේදනය අද (30)  නිකුත් කෙරිණ. බ්‍රිතාන්‍ය අගමැති Rishi Sunak මහතා මීට පෙර ප්‍රකාශ කළේ බ්‍රිතාන්‍ය මහ මැතිවරණය ජූලි මස 4 වැනිදා පැවැත්වෙන බවයි.

බ්‍රිතාන්‍ය නීතියට අනුව, මහ මැතිවරණයට වැඩ කරන දින 25කට පෙර පාර්ලිමේන්තුව ස්වයංක්‍රීයව විසුරුවා හැරේ. පාර්ලිමේන්තුව විසුරුවා හැරීමෙන් පසු පාර්ලිමේන්තුවේ පහළ මන්ත්‍රී මණ්ඩලයේ සියලුම ආසන ස්වයංක්‍රීයව පුරප්පාඩු වන නමුත් නව කැබිනට් මණ්ඩලයක් පිහිටුවන තුරු අගමැති ඇතුළු සියලුම කැබිනට් අමාත්‍යවරු ඔවුන්ගේ වත්මන් තනතුරුවල රැඳී සිටිති.