ත්‍රීරෝද රථ සංගමයේ සභාපති පහරදීමකින් ජීවිතක්ෂයට

මිරිහාන ප්‍රදේශයේදී සිදු වූ පහරදීමකින් 53 හැවිරිදි ත්‍රීරෝද රථ රියැදුරෙකු මියගොස් තිබේ.එලෙස මියගොස් ඇත්තේ, ලංකා ස්වයං රැකියා වෘත්තිකයින්ගේ, ජාතික ත්‍රීරෝද රථ සංගමයේ සභාපති සුනිල් ජයවර්ධන මහතාය.මිරිහාන ප්‍රදේශයේ කල්බදු සමාගමක් තුළදී ත්‍රීරෝද රථයක් නිදහස් කර ගැනීම සම්බන්ධයෙන් ඇති වූ බහින් බස්වීමක් දුරදිග යාමෙන් ඊයේ රාත්‍රීයේ පහරදීම සිදුව ඇතැයි පොලීසීය සඳහන් කළේ ය.සිද්ධිය සම්බන්ධයෙන් සැකකරුවන් 8 දෙනෙකු අත්අඩංගුවට ගෙන තිබේ.ඒ සම්බන්ධයෙන් වැඩිදුර පොලිස් විමර්ශන ක්‍රියාත්මකය.