පළමු ආසියාන් (අග්නිදිග ආසියානු ජාතීන්ගේ සංගමය)-චීන-GCC (ගල්ෆ් සහයෝගිතා කවුන්සිලය) සමුළුව පසුගිය 27 වැනිදා මැලේසියාවේ Kuala Lumpur හිදී පැවැත්විණ. ජාත්‍යන්තර ප්‍රජාව මේ පිළිබඳව දැඩි අවධානයක් යොමු කරයි.
සමුළුවේදී නිකුත් කරන ලද ඒකාබද්ධ ප්‍රකාශය, ආර්ථික ඒකාබද්ධතාවය, බලශක්ති ආරක්ෂාව සහ තිරසරභාවය යන ක්ෂේත්‍රයන් හි සහයෝගීතා පියවර මාලාවක් යෝජනා කළේ ය. ත්‍රෛපාර්ශ්වික සමුළු සහයෝගිතා යාන්ත්‍රණය “කලාපීය ආර්ථික සහයෝගීතාවයේ ප්‍රධාන නවෝත්පාදනයක්” ලෙස සැලකිය හැකි බව මෙහිදී චීනය සඳහන් කළේ ය.
වත්මන් ජාත්‍යන්තර තත්ත්වය නිරීක්ෂණය කිරීමෙන්, මෙම ත්‍රෛපාර්ශ්වික සහයෝගීතාවයේ ප්‍රායෝගික අවශ්‍යතා සහ වටිනාකම් හි වැදගත්කම වඩා මනා ලෙස අවබෝධ කළ හැකි ය. ඇමරිකාව ලොව පුරා රටවලට එරෙහිව තීරුබදු මාලාවක් ප්‍රකාශයට පත් කර තිබේ. මෙය ගෝලීය වෙළඳ නීතිරීති උල්ලංඝනය කරන අතරම, ආසියාන් සංගමය සහ සෙසු රටවල් අතර වෙළඳ ජාලයන්හි විවිධාංගීකරණය වේගවත් කිරීමට හේතු වී තිබේ.
සංකීර්ණ ජාත්‍යන්තර තත්ත්වය සහ මන්දගාමී ලෝක ආර්ථික වර්ධනය වැනි අභියෝගවලට මුහුණ දෙමින්, ආසියාන්, චීනය සහ GCC යන ත්‍රෛපාර්ශ්වය එක්ව සජීවී ආර්ථික කවයක් සහ වර්ධන කණ්ඩායමක් නිර්මාණය කර ඇත. මෙය එකිනෙකාගේ ආර්ථික සමෘද්ධියට ප්‍රතිලාභ ලබා දීම පමණක් නොව, ආසියාවේ සහ ලෝක සාමය හා සංවර්ධනය ද ප්‍රවර්ධනය කරනු ඇත.
පුරාණ සේද මාවතේ සිට “එක් තීරයක් එක් මාවතක්” ඒකාබද්ධ ගොඩනැඟීම දක්වා, ආසියාන්, චීනය සහ GCC යන ත්‍රෛපාර්ශ්වය අතර හුවමාරුව සහ සහයෝගීතාවය වසර දහස් ගණනක් පුරා විහිදී ගියේ ය. වර්තමානයේ ත්‍රෛපාර්ශ්වික සහයෝගීතා යාන්ත්‍රණය ස්ථාපිත කිරීම, පොදු සංවර්ධනයට නව ජවයක් ලබා දීමට අපේක්ෂා කෙරේ. එම ත්‍රෛපාර්ශ්වික සහයෝගීතා යාන්ත්‍රණය විවිධ ක්ෂේත්‍රවල ප්‍රායෝගික සහයෝගීතාව පුළුල් කිරීමත් සමඟ, බහුපාර්ශ්වික වෙළඳ පද්ධතිය වඩාත් ඵලදායී ලෙස ආරක්ෂා කරන අතර, ගෝලීය දකුණේ පොදු අවශ්‍යතා ආරක්ෂා කරනු ඇත. මෙය ලෝක ආර්ථිකයට වඩාත් ශක්තිමත් “ආසියානු බලයක්” එන්නත් කරනු ඇත.
More Stories
ජගත් ප්‍රජාව සමග එක්ව සුරක්ෂිත ලෝකයක් ගොඩනැංවීමට සූදානම් — චීනය
ඇමරිකාවේ ක්‍රියාවන් එරට සිටින චීන සිසුන්ගේ නීත්‍යනුකූල අයිතිවාසිකම්වලට හානියක්, චීනයෙන් දැඩි විරෝධය
“තායිවාන බෙදුම්වාදය” පසුපස හඹා යාමේ කිසිදු ප්‍රතිඵලයක් නැහැ – චීනය