චීන මහජන සමූහාණ්ඩුව සහ වියට්නාම සමාජවාදී ජනරජය ඒකාබද්ධ නිවේදනයක් නිකුත් කරයි. වියට්නාම කොම්යුනිස්ට් පක්ෂ මධ්‍යම කාරක සභාවේ මහලේකම් To Lam මහතාගේ සහ වියට්නාම ජනාධිපති Luong Cuong මහතාගේ ඇරයුමෙන් චීන කොම්යුනිස්ට් පක්ෂ මධ්‍යම කාරක සභාවේ මහලේකම් සහ ජනාධිපති ෂී ජින් පිං මහතා 14 වනදා සිට 15 වනදා දක්වා වියට්නාමයේ සිදු කළ නිල සංචාරය වෙනුවෙන් එම ඒකාබද්ධ නිවේදනය නිකුත් කෙරිණ.
එම සංචාරය තුළ, විස්තීර්ණ උපායමාර්ගික සහයෝගීතා හවුල්කාරිත්වය අඛණ්ඩව ගැඹුරු කරමින්, උපායමාර්ගික වැදගත්කමක් ඇති පොදු ඉරණමක් සහිත චීන-වියට්නාම ප්‍රජාව ගොඩනැගීම සහ පොදුවේ වැදගත් කොට සලකන ජාත්‍යන්තර හා කලාපීය ප්‍රශ්න සම්බන්ධයෙන් දෙපාර්ශ්වය පුළුල් එකඟතාවන්ට පැමිණ තිබෙන බව එම නිවේදනය පවසයි.
චීන-වියට්නාම මිත්‍රත්ව ව්‍යායාමය නොසැලී ප්‍රවර්ධනය කරමින් තම ජාතික තත්වයන්ට අනුකූල සමාජවාදී මාවත අනුගමනය කිරීමේදී දෙපාර්ශ්වය අන්‍යෝන්‍ය හා ස්ථීර ලෙස සහාය දක්වන බව අවධාරණය කෙරේ.
උපායමාර්ගික අන්‍යෝන්‍ය විශ්වාසය ඉහළ මට්ටමකට ඒකාබද්ධව සංවර්ධනය කිරීම තහවුරු කරන දෙපාර්ශ්වය, ආරක්ෂක සහයෝගීතාවයේ වඩාත් ප්‍රායෝගික පදනමක් ගොඩනැගීම නැවත ප්‍රකාශ කරන බව එම නිවේදනය පවසයි.
චීනය සහ වියට්නාමය නව ගුණාත්මක ඵලදායිතාව සංවර්ධනය කිරීම ප්‍රයෝජනයට ගනිමින් වඩාත් පුළුල් හා ගැඹුරු සහයෝගිතා රාමුවක් නිර්මාණය කිරීමට කැමැත්තෙන් සිටී.
චීන-වියට්නාම මිත්‍රත්වය පවත්වා ගැනීම සඳහා දෙරට අතර පවතින මතභේද නිසි ලෙස පාලනය කොට විසඳා ගැනීමට දෙපාර්ශ්වය එකඟ වී තිබෙන බව ද එම නිවේදනය සඳහන් කරයි.
More Stories
ගෝලීය සාධාරණත්වය ආරක්ෂා කිරීමේ ප්‍රධාන බලවේගය වීමට එක්වන්නැයි BRICS රටවලට ආරාධනා– චීන විදේශ අමාත්‍ය
නව කොරොනා වසංගතයේ මූලාරම්භය පිළිබඳව ඇමරිකාව ලෝකයට නිසි පැහැදිලි කිරීමක් කළ යුතුයි–චීනය
චීනයේ 15 වැනි පස් අවුරුදු සැලසුම පිළිබඳ චීන ජනපතිගෙන් උපදෙස්