චීනයේ Shenzhou-17 අභ්‍යවකාශ යානය සාර්ථකව උඩුගුවනට

චීනයේ Shenzhou-17 මිනිසුන් සහිත අභ්‍යවකාශ යානයේ ගගනගාමී කණ්ඩායම සිය මෙහෙයුම ආරම්භ කර ඇත.

ගගනගාමීන් පිටත් වීම නිවේදනය කිරීමේ උත්සවය අද (26) උදේ 8:24 ට Jiuquan චන්ද්‍රිකා නිකුත් කිරීමේ මධ්‍යස්ථානය ආසන්නයේ දී පැවැත්විණ. අනතුරුව Tang Hongbo, Tang Shengjie, Jiang Xinlin යන ගගනගාමීහු තිදෙනා එම මධ්‍යස්ථානය වෙත පිටත් ව ගියහ.

Shenzhou-16 අභ්‍යවකාශ යානාවේ ගගනගාමීහු මේ වනවිට චීන අභ්‍යවකාශ මධ්‍යස්ථානයේ මාස 5 ක පමණ කාලයක් තිස්සේ රැඳීසිටිති. ඔවුහු එහි පැමිණීමට නියමිත Shenzhou-17 යානයේ ගගනගාමීන් පිළිගැනීමට සූදානමින් සිටිති.

චීනයේ Shenzhou-17 මිනිසුන් සහිත අභ්‍යවකාශ යානය සාර්ථක ව ගුවන්ගත කෙරේ. 

අද (26) පෙරවරු 11:13:59 ට එය Jiuquan චන්ද්‍රිකා නිකුත් කිරීමේ මධ්‍යස්ථානයෙන් අභ්‍යවකාශය වෙත යොමුකරනු ලැබීය. ඒ,  Long March 2F ප්‍රවාහක රොකට්ටුවේ ආධාරයෙනි.